હરતુ ફરતુ ટેડીબિયર..

 વાર્તા:હરતુ ફરતું ટેડીબિયર

(ટેડીબિયર એટલે કે સામાન્ય પરિભાષામાં કહીએ તો કપડાં બાળક કે માણસ જેટલી હાઈટ અને આકૃતિવાળું કવર જેને રૂ યા તો કપડું ભરીને બનાવવામાં આવે છે.પહેલા આપણે એનો ઉપયોગ ખાલી રમવા માટે કરતાં હતા,બાળકો ખુબ રડતા હોય ત્યારે એને રમવા આપી દેતા,બાળક રડતાં શાંત પણ થઈ જાતા,પહેલાંના સમયના લોકોને એવો તો ક્યાં અંદાજ હોય કે,આવો પણ કોઈ દિવસ આવશે એવો!

        

      પાશ્ચાત્ય સંસ્કૃતિના આંધળા અનુકરણની દોટ આપણે પકડી છે,હવે વર્તમાન ટ્રેન્ડ મૂજબ લોકો પોતાના પ્રિયજન અથવા વ્હાલા મિત્રોને આપણે આ દિવસે ટેડીબિયર ભેટ આપી આ દિવસને આપણે યાદગાર બનાવીએ છીએ.ટેડીબિયર પણ જાતજાતના ઉપલબ્ધ છે,નાના મોટા સૌને ગમે છે,કોઈ ઉદાસ ચહેરાને જો ટેડીબિયર આપવામાં આવે તો ક્યારેય હાસ્ય છલકાઈ જાય છે,એની ખબર નથી રહેતી.નાના મોટા સૌને ગમે છે,ટેડીબિયર.સૌ ટેડીબિયર ગિફ્ટ આપી પ્રેમ,ખુશીઓ એકબીજાને વેચે છે.

          અમદાવાદની એક ચાલીની વાત છે,ગીતા નામની એક યુવતી હતી.એની જીંદગીમાં પ્રકાશ ફેંકીએ તો.

           તેના મમ્મી પપ્પા એને નાનપણમાં જ છોડી પરધામ ચાલી ગયેલા.કાકા-કાકીને બાળકીની જવાબદારી લેવામાં કોઈ રસ હતો નહીં.

         નાનકડી ગીતા સુતી હતી,ત્યારે જ તેને ભગવાન ભરોસે રસ્તા પર છોડી કાકા કાકીએ ઘર તરફ પ્રયાણ કર્યું.

કંઈ સમજે એ પહેલાં ગીતા રસ્તામાં હતી,તે આજુબાજુના લોકો સરળ હતા તો ગીતાને કપડાંલત્તા અને થોડા પૈસા પણ આપ્યા,પણ કમાયા વગર થોડું ચાલે આજના સમયમાં,એટલા પૈસા ક્યાં સુધી ચાલે,ગીતાએ નાનુ મોટુ કામ શરૂ કર્યું. 

ગીતા માથે હાથ ધરી બેસી રહે તેવી યુવતી નો'હતી.

ગીતાએ કામની શરૂઆત બૂટ પૉલીશ,અને પૂજાની સામગ્રી વેચવાથી કરી.

          ગીતા ધીરે ધીરે મોટી થવા લાગી,ઉંમર વધવાની સાથે રુપ તો ખીલ્યું,સાથે સાથે બુદ્ધિમાં પણ વધારો થયો.

      ગીતા પોતાની પરિસ્થિતિને વશ થઈ અભ્યાસ નોહતી કરી શકી,તેનો ભારાવાર અફસોસ હતો,પણ હવે શું 'જબ ચિડિયા ચૂગ ગઈ ખેત'.પણ,તેને મનોમન નક્કી કર્યું કે તે પોતાના બાળકને તે ઉજ્જવળ ભવિષ્ય આપશે.પણ નિયતિ ને જે મંજૂર હોય  એ જ થાય છે છેવટે .

       તેની રમવા ભણવાની ઉંમરમાં કમાવવાની જવાબદારી આવી.

પરિસ્થિતિએ તેને વાસ્તવિકતા સમજાવી દીધેલી.ગીતા આ પરિસ્થિતિને પ્રભુ પ્રસાદ સમજી હસતે મૂખે વધાવી લીધી.કોઈ ગીતાની દયા ખાઈ તેને બિચારી કહે તે એને જરાય પણ મંજૂર નોહતુ.

        સૌ કોઈ ઠંડીથી બચવા તાપણુ કરે,તો કોઈ હિટર ચાલું કરે,ગીતા છૂટક કામ કરી પોતાનો ગુજારો કરી લેતી.રાત્રીના સમયે તે ચા ને બિસ્કિટ વેચતી. ગીતા ઠંડીને માત આપી પોતાનું કામ ચાલુ રાખે,ગીતાની આજુબાજુના લોકોને આ છોકરી પર ગર્વ થતો,નાની ઉંમરે કોઈ છોકરી આટલી સમજુ અને મહેનતી હોય.

    એક ઉંમરલાયક દાદી બહુ વ્યવહારુ અને સમજુ  હતાં.ગીતા અને દાદી પણ સારી એવી બનતી હતી, તેમને ગીતાના જીવન વિશે જાણવાનો ખુબ રસ પડ્યો,પછી મનમાં પણ વિચાર્યું કે આ યોગ્ય નથી.

     

      "બેટા મારું ઘર અહીં પાસે જ છે,કંઈ જરૂર હોય તો બે ઝીઝક કહેજે દિકરા.મને તારી બા જ સમજજે "દાદી તેને પોતાની દિકરી સમજી દિલાસો આપી રહ્યા હતા.

         

     "દિકરા રસ્તો નથી બરાબર સાચવજે,એક તો તુ રહી યુવાન,ઈજ્જત એ આપણું ઘરેણુ છે જેનાથી સ્ત્રી પુજનીય ગણાય છે,એને સાચવવાની જવાબદારી આપણી હોય છે.બેટા તુ શાણી ને સમજુ છે આનાથી વધુ તને કંઈ નહીં કહું"આટલું કહીને દાદી પોતાના ઘરમાં ચાલ્યા ગયા.પણ જાતા જાતા તેને ચેતવણી આપી ગયા કે;

       

    પરંતુ અમાસની આ રાત્રે અતિશય કામના ભારણને લીધે ગીતાને અચાનક ઝોકું આવી ગયું.

      ઘોરરાત્રીનો સમય હતો,ઠંડીનો સુસવાટો અને કૂતરાના ભસવાનો અવાજ સંભળાતો હતો,આ રાત્રે કોઈ ચકલુ એ ફરકતું નહીં રસ્તો સૂમસામ હતો,હોરર મૂવીના સીનની યાદ અપાવે તેવો ડરામણો.એ રસ્તો જ ગીતાનુ ઘર.

       ગરીબાઈને કારણે ન સ્વેટર હતું કે ન સરખા કપડાં.કોઈએ આપેલ ફાટેલા ચિથરેહાલ કપડાનું પાથરણુ કરી સુઈ ગયેલી ઠંડીથી ઠુઠવાઈ રહેલી યુવતી ગીતાએ ચાર આવારા નબીરાઓનું ધ્યાન ખેંચ્યુ.ચાર આવારા નબીરાઓ નશામાં ચૂર હતાં ગાડીની સાઈડ લાઈટથી ગીતા ઝબકી ઉઠી,અમીર નબીરાઓ નશાના કારણે શાનભાન ભૂલેલા ગીતા તે કપડાં સરખા કરી ભાગે તે પહેલાં જ ચારે ગીતાને ઘેરી લીધી.ગીતાએ સ્વ બચાવ માટે ખુબ પ્રયત્ન કર્યા,ચીસને આક્રંદ પણ કર્યું.પરંતુ કંઈ ન વળ્યું ચાર હેવાનોએ મળી તેને પીંખી નાંખી.તે ચાર આવારા નબીરાઓ ગીતાને કઢંગી હાલતમાં છોડી ચાલ્યા ગયા.ઉંમર લાયક બા પોતાની વ્હાલસોયી ગીતા ને આમ અર્ધબેહોશ હાલતમાં જોઈ હેબતાઈ જ ગયાં.આજુબાજુના સૌ લોકો ભેગા થઈ ગયા.

પાણી છટકોરી હોશમાં લાવવામાં આવી."બા... બધું જ ખતમ થઈ ગયું,હું જીવતા જ મરી ગઈ,તો મને આમ હોશમાં લાવવાનો પ્રયાસ ખોટો કર્યો,મારું બધું જ ખતમ થઈ ગયું."ગીતાના આ વાક્યમાં દર્દની સાથે આક્રોશ વંચાતો હતો.

તે દિવસથી બા ગીતાને એકલી છોડતાં નહીં,પણ આ બનાવે ગીતાના મગજ અને હ્રદય પર એવો હાવી થઈ ગયો,તે દિવસથી પોતાની જાતને ગહેરી હતાશામાં સમાવી દીધી.હસતી રહેતી ગીતા આજે ગુમસુમ બની ગયેલી.

આ વાતને પાંચ મહિના થઈ ગયા.પણ એ ઘટનાના પડઘા મગજમાંથી ગયા નો'હતા.

તે પોતાની લારી પર ચા ઉકાળી રહી હતી,ત્યારે અચાનક તેને ઉલ્ટી થવા લાગી સાથે સાથે ચક્કર આવવાથી તેને હોસ્પિટલ લઈ જવામાં આવી ત્યારે ડોક્ટરે એની તપાસ કરી,તેની સાથે આવેલા ઉંમરલાયક બાને કહ્યું"માજી ખુબ ખુબ અભિનંદન તમારી આ દિકરીને સારા દિવસો જાય છે,આ સાંભળી ઉંમરલાયક બા હેબતાઈ ગયાં,ગીતા આ શું કરી નાખ્યું બેટા તે...હું તો તને બહુ ડાહી ને શાણી સમજતી હતી."આટલું કહીને ઉંમરલાયક બા ગિન્નાઈ ગયા.ગીતા પોતાની વાત રજુ કરતાં કહે,"બા તમે તો મારા પર ભરોસો કરો હું નિર્દોષ છું...પેલી રાત્રનો તમામ ઘટનાક્રમ બા ને જણાવ્યો આ સાંભળી પોતાની જાતને માફ ન કરી શકયા.તેમના મનમાં બસ  એક જ વિચાર રમતો હતો,"દિકરી મારી મદદ માટે કેટલી રડી હશે,પોતે દિકરીને મા હોવાનું ખોટું આશ્વાસન આપી આમ ચાલી ગયા,જ્યારે દિકરીને મદદની જરૂર હતી ત્યારે મારી આ મમતા ક્યાં ગઈ,અરે...ધિક્કાર છે મારા જેવી બાઈને થુ... છે...મારી દિકરી ગીતા શક્ય હોય તો બા ને માફ કરજે,ગીતાએ બાના આસુ લૂછતાં કહ્યું"બા...તમે...માફી ન માંગો વડીલો આમ નાના પાસે માફી માંગે એ ન શોભે.જે બનવાનું હતું એ બની ગયું.તમે આમ શોક ન મનાવો."હું કોઈ બીજાના ભૂલની સજા આ નિર્દોષને શુ કામ આપુ!!ગીતાની ચાલી રહેલી વાતમા જ બા કહેવા લાગ્યા અરે...દિકરા...પણ...આ...સમાજ તને કેવી રીતે નજરે નિહારશે...કુંવારી માને નથી સ્વીકારતો,બેટા હજી પણ સમય છે....ગીતા લથળી ગયેલી હાલતમાં પૂરા જોશ સાથે બોલી "બા...સમાજનું કામ છે....વાતો કરવાનું...એ એનું કામ કરે આપણે આપણું હું બાળકને જન્મ આપીશ,અને એકલા હાથે તેનો ઉછેર કરીશ.હું નાની હતી હું કંઈ સમજુ એ પહેલાં જ મને આમ તરછોડી દેવામાં આવી,

ત્યારે આ સમાજ ક્યાં ગયેલો."અને આમ પણ લોકોના મોઢે ગરણુ બાંધવા થોડું જવાય છે!!મારું બાળક આ દુનિયામાં આવશે જ."પોતે સજાવેલા સ્વપ્ન પ્રમાણે ગીતા આવનારા બાળકને સારું ભવિષ્ય આપી શકે એ માટે પોતે ગર્ભાવસ્થા મા પણ પોતાની ચા બિસ્કીટની લારી ચલાવે રાખતી.પૂજાની સામગ્રી પણ વહેચતી.બા ગીતાને હિંમત મળે એ માટે તેઓ ઠાકોરજીને વિનવતા.

      ડિલેવરીનો દિવસ નજીક આવ્યો.એક યુવાન છોકરો ચા નાસ્તો કરવા ગીતાની લારીએ આવ્યો ગીતાએ સ્મિત સાથે ચા બિસ્કીટ આપ્યા.એ છોકરાને વધુ રસ પડ્યો.છોકરાએ કૂતુહલપૂર્વક પૂછ્યું "ગીતાજી તમને આવા રસ્તે ડર નથી લાગતો,અને તમે આવી હાલતમાં પણ કામ કરો છો..."

ત્યારે ગીતાએ પોતાના દર્દને છુપાવી હસતાં ચહેરે કહ્યું"ડર શાનો...જેનું કોઈ નથી એનો ભગવાન છે,જેનો હાથ પરમેશ્વર ઝાલે એને કોણ ચાખે...ડરની વાત તમે કરી સખા ડર તો મને અમીર આવારા ઓનો લાગે કે જે સ્ત્રી ને માણસ નહીં પણ ઈચ્છાપુર્તીનુ સાધન સમજતાં હોય!

મને એ કહો આ હાલતમાં કામ કરવામાં શું ખરાબી છે?કામ કરવાથી મગજ પણ સારું રહે અને આવનાર બાળક પર પણ સારી અસર પડે...માટે કામ કરું છું."પેલો યુવાન પોતાની વાત રજુ કરતાં કહે કેટલા પૈસા થયા,યુવાનની વાતનો પ્રત્યુત્તર આપતા કહે"50 રુપિયા"યુવાન પૈસા ચૂકવી ચાલવાની તૈયારી કરે ત્યાં તો ગીતાને પ્રસરવનો દુ:ખાવો શરૂ થઈ ગયો.આજુબાજુ રહેતા સૌ લોકો ભેગા થઈ ગયા.કોઈને વિડિયો બનાવ્યો તો કોઈએ ડચકારો બોલાવી ત્યાં તમાસો જોવા ઉભા રહ્યા,પણ કોઈ મદદે ન આવ્યું,પેલો યુવાન તેને દવાખાને લઈ ગયો,પણ ત્યાં સુધી બહુ મોડું થઈ ગયેલું,ગીતાએ સુંદર દિકરાને જન્મ આપ્યો પણ કરમની કઠીનાઈ તો જુઓ ગીતા જે દુનિયાથી પોતાના સંતાન ને બચાવવા માંગતી હતી તેને દુનિયાના ભરોસે છોડી દિકરાને છોડી લાંબી યાત્રાએ ચાલી ગઈ,જ્યાં થી પાછું આવવુ શક્ય જ નથી.

     "એ જ માસૂમ આંખો,

એ જ નિર્દોષતા મારાય,

ચહેરે છલકાય છે,તને મનમૂકી નિહારુ તોય

તરસી ન તરસી જ રહું,

તું મને કાલીઘેલી ભાષામાં કહેતું, હું કંઈ ક્યાક દૂર ચાલ્યું જાઈશ,તુ જોતી રહીશ

હું તારું ટેડીબિયર મને સાચવી લે ને,તું મને ટેડીબિયર મા શોધે એના કરતાં મને જ

તારુ ટેડીબિયર બનાવી લે ને,

તારો ખોળો ખૂંદવાના મને

ભારે અભરખા,પૂરા કરું એ પહેલા તુ લાબી યાત્રા એ ચાલી ગઈ મા,એવી યાત્રા કે જ્યાં જીવતા જી ન જવાય,

જે દુનિયાથી મને બચતા શીખવતી રહી,એના ભરોસે મને આમ છોડી જવું યોગ્ય નથી,દુનિયા પણ કેવી ગજબ 

જે કપડાંના ટેડીબિયર પ્રેમ

મમતા વર્ષાવે ને જીવતા "હરતા ફરતા ટેડીબિયરને રડાવે,લેણદેણ હશે આપણી તો મળીશુ,મા

તારી મુક્તિ વચ્ચે હું આવુ,

એવો સ્વાર્થી પણ નથી લાલ તારો,પાપા કોણ છે મારા એ ય ખબર નથી,જેનુ નથી કોઈ એનો

શિવ શંકર છે પિતા....(2)

તારો વ્હાલો દિકરો જેને તુ આ રીતે છોડી ચાલી ગઈ, તારાથી મને રિસામણા છે ઘણાં,તુ મનાવવા આવવા માંગે તો પણ નહીં આવી શકે,તારુ આ "હરતુફરતુ ટેડીબિયર"તને ખુબ સાંભળશે તને ખુબ સાંભળશે....

      શૈમી ઓઝા"લફ્ઝ"