કાવ્ય:સુહાગણ

સુની માંગ સિંદુરથી શોભે

ગળામાં મંગળસૂત્ર હાથમાં ચૂડીની ખનખન જે સુહાગની છે નિશાની,પગની પાયલની ખમખમ જે આપના હોવાનું પ્રતિક છે,આજીવન બરકરાર રાખજે ખમ્મા પ્રસન્ન મહેશ ભવાની....

ચહેરાની લાલી ને લાલ લીલી સાડી પહેરી હું હોશે હોશે ગોરાબાઈ,શરણોમા તારા રાખશે અમર સુહાગણ રાખજે,ખમ્મા પ્રસન્ન મહેશ ભવાની..

કરવાચોથ વટ સાવિત્રી વ્રત આદર્યું હું ગાડીઘેલી તોય આપનું સંતાન પ્રાર્થના મારી સ્વીકારજે,હું હરખે હરખે માડી તારા દ્વાર આવી,

ચરણોમાં રાખો કે તરછોડો માં

આ નિર્ણય તમારો મને માન્ય રહેશે આપના બાળકને સુધારવુ આપના આધિન છે,

તમે મોટા દયાળુ,તમે મમતાની મુર્તિ મને અમર સુહાગણનું વરદાન નહીં આપો માડી,

જય પાર્વતી સુખ કરની,દુર્ગા માડી શુભગામિની,કાલરાત્રિ શત્રુ વિનાશિની,શંકરપ્રિયે,

આપની બેટી આપના દ્વાર આવી આપણો નાતો છે જન્મોજનમનો કૃપા કરો માં 

આપની બેટીની ઝોળીના ભાગ્યમાં અમર સુહાગનના હસ્તાક્ષર નહીં કરો,જગતની ડોર આપના આધીન છે માતા,

ખમ્મા પ્રસન્ન મહેશ ભવાની

શૈમી ઓઝા "લફ્ઝ"