નજરથી નજરનો નાતો...

 બે નયનો વચ્ચે લાગી ગયેલો પેચ

--------------------

પ્રેમના વેપારી સાથે અજાણે નયનોનો પેચ જો લાગી ગયો,

જેને મનને ઝંઝોળી રાખ્યું છે

તે ખાનગી વાત અહીં રજુ કરુ છું.

આંસુઓ ગઝલ બની વરસી રહ્યા છે,હ્રદય હજી વિરહના ભડકે બળી રહ્યું છે,

પ્રેમના વેપારીથી છેતરાઈને આવ્યો છું, દર્દનો પોટલો રસ્તે ઠાલવીને આવું છું,કોને કહું

આ છાની રાખેલી વાત

કોઈ જખ્મી દિલ કાજે મલમપટ્ટી હોય તો કરી દેજો,

નાના મોઢે મોટી આશ લઈ

'શિવા'આપની શરણે આવી છું.

એ પાગલ દિલ કોઈવાર તો

કોઇનું સાંભળ,આટલી અકડ સારી નહીં,એ...મન મિથ્યા  સહાનુભૂતિ આપવાનું છોડી જ દે,ઝુઠી સહાનુભૂતિ

મુજને નહીં ભાવે,વેદનાને ક્યાં તેડા હોય છે,તે અણધારી આવી જાય છે,પરંતુ મજાના બોધ આપી જાય છે,પ્રેમના વેપારી સામે સટ્ટો તો હોશે હોશે રમ્યા,પરંતુ જીતવાની આળમાં સઘળું હારી બેઠા,

છાની રહેલી વાત આજે જાહેર થઈ ગઈ,લફ્ઝ પોતાની

મુર્ખામી તાજી કરતાં કેવું હસી જવાય છે.

શૈમી ઓઝા "લફ્ઝ"